Сайта кӗр | Регистраци | Сайта кӗрсен унпа туллин усӑ курма пулӗ
 +26.3 °C
Нумайне чӑтнине сахалне чӑт.
[ваттисен сӑмахӗ]
 

Хыпарсем: Патӑрьел районӗ

Республикӑра
cap.ru сайтри сӑн
cap.ru сайтри сӑн

Патӑрьел округӗнче Ҫемье ҫулталӑкне тата Экологи культурин тата ҫутҫанталӑкпа перекетлӗ усӑ курмалли ҫулталӑка хутшӑннӑ.

Мероприятире Пӗтӗм Раҫҫейри ҫемье ҫулӑмне йышӑннӑ. Ӑна Мускаври ВДНХра иртекен «Раҫҫей» курав-форумра ҫутнӑ. Чӑваш Ене ӑна Патӑрьел тӑрӑхӗнчи Аслӑ Арапуҫри Верликовсем илсе килнӗ. Ҫулӑма Патӑрьел тӑрӑхӗнчи кашни ял тӑрӑхӗнчи ҫемьесене панӑ.

Уявра ҫамрӑк ҫемьесене ҫурт-йӗр тума е илме социаллӑ тӳлевсем панӑ. Экологи ҫулталӑкне уҫнӑ май вара округра пурнӑҫлама палӑртнӑ проектсене сӳтсе явнӑ. Шыв-шура, вӑрман таврашне, общество вырӑнӗсене тасатма пулӑшнӑ нимеҫӗсене Патӑрьел муниципаллӑ округӗн тав хучӗпе чысланӑ.

 

Республикӑра
Валерий Антонов. forum.na-svyazi.ru порталтан илнӗ сӑнӳкерчӗк
Валерий Антонов. forum.na-svyazi.ru порталтан илнӗ сӑнӳкерчӗк

Чӑваш Енӗн Хисеп грамотипе тата тепӗр виҫӗ ҫынна чыслама йышӑннӑ. Вӗсенчен пӗри — «Чувашгосснаб» общество директорӗ Валерий Антонов.

Арҫын Патӑрьел районӗнчи Каншел ялӗнче 1965 ҫулхи ака уйӑхӗнче ҫуралнӑ. Ӗҫ биографине Хӗвелтухӑҫӗнче, Петропавловск-Камчатск хулинче,карап механикӗнчен пуҫӑннӑ. Унта вӑл темиҫе профессие ылмаштарнӑ. Тӑван тӑрӑха таврӑнсан «ТАВ» фирмӑра юрисконсультра тӑрӑшнӑ, унтан пуҫлӑх пулнӑ.

Чӑваш Енӗн Хисеп грамотине ҫавӑн пекех Президент пепкелӗх центрӗн акушер центрӗн заведующине Татьяна Дерипаскӑна тата Шупашкарти электромеханика колледжӗн директорӗн заместительне Ольга Кузнецовӑна пама йышӑннӑ.

 

Пӑтӑрмахсем
Следстви комитечӗн Чӑваш Енри управленийӗн сӑнӳкерчӗкӗ
Следстви комитечӗн Чӑваш Енри управленийӗн сӑнӳкерчӗкӗ

Патӑрьел тӑрӑхӗнчи пӗр ялта пушар пулнӑ килте арҫын виллине тупнӑ.

Патӑрьел муниципаллӑ округӗнчи Кивӗ Катек ялӗнче пӗр ҫыннӑн килӗнче пушар тухнӑ. Вут-ҫулӑма сӳнтерсен 53 ҫулти кил хуҫин виллине тупнӑ.

Инкек нарӑс уйӑхӗн 16-мӗшӗнче пулнӑ.

Тӗпчевҫӗсем малтанласа шухӑшланӑ тӑрӑх, кил хуҫи пирус туртнӑ чух асӑрханса ҫитереймен.

Хыпар ҫӑлкуҫӗ: https://t.me/pg21ru/12452
 

Вӗренӳ

Патӑрьел муниципаллӑ оркугӗнчи Ишлӗ ялӗнче ача пахчинчен пуҫламӑш шкул туса хурасшӑн. Ҫавна май аукцион ирттернӗ.

Документацире палӑртнӑ тӑрӑх, ача пахчинчен тунӑ пуҫламӑш шкулта шкул умӗнхи ушкӑн тата спортзал пулмалла. Контракт – 118,3 миллион тенкӗлӗх. Аукционра Патӑрьел тӑрӑхӗнчи «Булат» фирма ҫӗнтернӗ.

Подрядчикӑн пуҫламӑш шкула кӑҫалхи ҫурла уйӑхӗн 31-мӗшӗччен туса пӗтермелле.

 

Республикӑра
Чӑваш наци музейӗ халӑх тетелӗнче вырнаҫтарнӑ сӑнӳкерчӗксем
Чӑваш наци музейӗ халӑх тетелӗнче вырнаҫтарнӑ сӑнӳкерчӗксем

Чӑваш наци музейӗн археологи секторӗн заведующийӗнче ӗҫленӗ Александр Волкова паян юлашки ҫула ӑсатӗҫ.

«Кӑрлачӑн 11-мӗшӗнче эпир хамӑрӑн ӗҫтешӗмӗре, ывӑнма пӗлмен тӗпчевҫӗ-археолога, Тӑван ҫӗршыва парӑннӑ Александр Волкова юлашки ҫула ӑсатӑпӑр. Чӑн-чӑн патриот пулнӑ май вӑл Раҫҫее хӳтӗлеме хӑйӗн ирӗкӗпе кайрӗ», — хыпарланӑ музейӗн пресс-служби халӑх тетелӗнчи хӑйӗн страницинче.

Каччӑ музейра 2012 ҫулта ӗҫлеме тытӑннӑ. Вӑл ун чухне И.Н. Ульянов ячӗллӗ Чӑваш патшалӑх университетӗнче историпе географи факультетӗнче вӗреннӗ, икӗ ҫултан ӑна археологи тата авалхи истори секторӗн заведующийӗ пулма шаннӑ.

Александр Волков Чӑваш Енри тата ытти регионти археологи шыравӗсене пӗрмай хутшӑннӑ. Шырав енӗпе те тӑрӑшнӑ.

Александр Волковпа Патӑрьел тӑрӑхӗнчи Нӑрваш Шӑхаль ялӗнче 10 сехетре чиркӳре сывпуллашӗҫ. Каччӑна юлашки ҫула ӑстама каяс кӑмӑллисене Шупашкартан ятарлӑ автобус илсе кайӗ.

Хыпар ҫӑлкуҫӗ: https://vk.com/wall-38532767_18375
 

Пӑтӑрмахсем
@batyrevosos каналти сӑн
@batyrevosos каналти сӑн

Кӑрлач уйӑхӗн 8-мӗшӗнче Патӑрьелте шкул автобусӗ ҫунса кайнӑ. Ку патӑрмах 2-мӗш шкулта пулнӑ.

Малтанлӑха пӗлтернӗ тӑрӑх, инкекре шар курнисем пулман. округра пурӑнакансем каланӑ тӑрӑх, шкул автобусӗ – ҫӗнӗскерех.

Сӑмах май, юлашкинчен Патӑрьел муниципаллӑ округне шкул автобусӗсемпе раштав уйӑхӗн вӗҫӗнче тивӗҫтернӗ. Ҫав партири автобус ҫуннӑ-и е ҫук-и – пӗлтермен.

 

Республикӑра
t.me/tsur21 сӑнӳкерчӗкӗ
t.me/tsur21 сӑнӳкерчӗкӗ

Чӑваш Енӗн Регион управленийӗн центрӗ муниципалитетсен тӳри-шари халӑх тетелӗсенчи хӑйсен страницисене епле тытса пынине ишкернӗ.

Хула пуҫлӑхӗсенчен Шупашкар хулин администрацийӗн пуҫлӑхӗ Денис Спирин малти вырӑнта, муниципаллӑ округсенчен — виҫӗ районӑн: Патӑрьелти Рудольф Селиванов, Ҫӗрпӳри Алексей Иванов тата Пӑрачкаври Евгений Лебедев.

Вӗсем ҫынсен ыйтӑвӗсене хастаррӑн хуравлаҫҫӗ, муниципалитета епле аталантарассипе ҫынсене вӑхӑтра паллаштарса тӑраҫҫӗ.

Чи хастар пилӗк пуҫлӑх шутне ҫавӑн пекех Элӗк округӗн пуҫлӑхӗ Александр Терентьев тата Комсомольски округӗн пуҫлӑхӗн Николай Раськин лекнӗ.

Хыпар ҫӑлкуҫӗ: https://t.me/tsur21/372
 

Сывлӑх
krasivoe-foto.ru сайтри сӑн
krasivoe-foto.ru сайтри сӑн

Гигиена тата эпидемиологи центрӗ пӗлтернӗ тӑрӑх, Чӑваш Енре пӗлтӗрхи 10 уйӑхра 46 ҫын коклюшпа чирленӗ, 11 уйӑхра ку кӑтарту 93-е ҫитнӗ.

Патӑрьел, Муркаш, Комсомольски, Шӑмӑршӑ, Етӗрне муниципаллӑ округӗсенче - 1-ер ҫын, Тӑвай округӗнче, Улатӑрта тата Ҫӗмӗрлере - 2-шер ҫын, Куславкка округӗнче, Канашра - 3-шер ҫын, Шупашкар округӗнче - 6 ҫын, Ҫӗнӗ Шупашкарта - 24 ҫын, Шупашкарта 46 ҫын коклюшпа чирленӗ. Пурте -17 ҫул тултарман ачасем.

Чирленисенчен 75-шӗ - коклюшран прививка туманнисем.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Кӑрлач уйӑхӗн 4-мӗшӗнче 15 сехет те 25 минутра Патӑрьел муниципаллӑ округӗнчи Ыхракасси ялӗ ҫывӑхӗнче «Ниссан Альмера» тата «Киа Оптима» ҫапӑннӑ. Малтанлӑха пӗлтернӗ тӑрӑх, «Ниссан» водителӗ, 23-ри арҫын, руле итлеттереймесӗр хирӗҫ ҫул ҫине тухса кайнӑ, унта тепӗр иномаркӑпа ҫапӑннӑ.

«Киа» машинӑра пулнӑ 17 ҫулти хӗр аманнӑ. Ӑна медпулӑшу парсан киле янӑ. Халӗ Патшалӑх автоинспекцийӗн ӗҫченӗсем ӗҫ-пуҫа уҫӑмлатаҫҫӗ.

Хыпар ҫӑлкуҫӗ: https://t.me/mvd_chuvashia
 

Культура
Телеграмри t.me/nikamran каналтан илнӗ сӑнӳкерчӗк
Телеграмри t.me/nikamran каналтан илнӗ сӑнӳкерчӗк

Патӑрьел муниципалллӑ округӗнчи Аслӑ Арапуҫ шкулӗнче «Митта вулавӗсем» иртнӗ. Мероприятие ачасем ӗнер, раштав уйӑхӗн 13-мӗшӗнче, пуҫтарӑннӑ.

Сӑвӑ илемлӗ вулакансен конкурсне йышлӑн хутшӑннӑ. Вӗсен йышӗнче 3-11 классенче вӗренекенсем пулнӑ. Ачасем поэт сӑввисене чӑвашла, вырӑсла хитре вуланӑ. Пуринчен маттуррисене дипломсемпе, парнесемпе хавхалантарнӑ.

Хыпар ҫӑлкуҫӗ: https://t.me/nikamran/10226?single
 

Страницӑсем: 1, 2, 3, 4, 5, 6, 7, 8, [9], 10, 11, 12, 13, 14, 15, 16, 17, 18, 19, ... 101
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (01.08.2025 21:00) уяр ҫанталӑк, атмосфера пусӑмӗ 751 - 753 мм, 20 - 22 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ҫывӑх ҫынсемпе ирттермелле. Ҫемьепе пӗрле апатланӑр е эрнен пӗрремӗш ҫурринче туссемпе уҫӑлса ҫӳре. Ку эрне юратнӑ ҫын валли вӑхӑт уйӑрма та аван - хӑвӑра та савӑнӑҫ пулӗ. Шел те, эрнен иккӗмӗш ҫурринче япӑх хыпарсем илтетӗр е тӑшмана тӗл пулатӑр. Ку кӑмӑла пӑсӗ.

Ҫурла, 01

1893
132
Матен Емельян Захарович, литература тӗпчевҫи ҫуралнӑ.
1931
94
Луч Григорий Васильевич, чӑваш ҫыравҫи ҫуралнӑ.
1943
82
Пётр Эйзин, чӑваш сӑвӑҫи ҫуралнӑ.
1960
65
Андреев Василий Алексеевич, чӑваш чӗлхи тӗпчевҫи ҫуралнӑ.
1960
65
Чиндыков Борис Борисович, драматург, прозаик, сӑвӑҫ ҫуралнӑ.
1994
31
Ярды Валерий Николаевич, чӑваш спортсменӗ, тӗнче чемпионӗ вилнӗ.
1994
31
Ярды Валерий Николаевич, спортсмен ҫут тӗнчерен уйрӑлса кайнӑ.
2008
17
Сизов Валентин Петрович, РСФСР тава тивӗҫлӗ артисчӗ ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
хуҫа тарҫи
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуть те кам тухсан та
кил-йышри арҫын
хӑнана ӑсатма никам та тухмасть
хуҫа арӑмӗ